About us

அன்புடைய நண்பர்களே வணக்கம் !

நம் தமிழ்மரபில் தோன்றிய சித்தர் பெருமக்கள் பேரருள் கொண்ட இறைவனிடம் வேண்டி,தங்கள் ஞானத்தால் கண்டறிந்த அருட் கலைகளான யோகம், ஞானம், இரசவாதம், வைத்தியம், சோதிடம், மந்திரம், சரகலை, பஞ்சபட்சி, முப்பு, காயகற்பம், வர்மம் போன்ற அரிய கலைகளை தங்களின் பாரம்பரிய வழித்தோன்றல்களான சீடர்களும், மனித குலமும் பயன் பெரும் வகையில் 'ஓலைச்சுவடி"களில் பாடல்கள் வடிவில் பல லட்சம் பாடல்களாக வடித்துள்ளனர்.

இவைகள் காலப்போக்கில் சுவடிகளில் உள்ளவைகளை படி எடுத்து பதிவு செய்யாமலும் சரியான வழிமுறைகளில் பாதுகாத்து பராமரிக்காமல் விட்டதால் அழிந்தவை ஏராளம். அனாலும் இன்றும் பலஆன்மீக மடாலயங்களிலும், பாரம்பரிய சித்த மருத்துவர்களிடமும், பரம்பரை ஜோதிடர்களிடமும், தமிழறிஞர்களிடமும், சித்தர் கலை ஆய்வாளர்களிடமும் தமிழகத்திலும், மற்றும் அதனைச்சுற்றியுள்ள மாநிலங்களிலும் பழமையான ஓலைச்சுவடிகளாகவும்,பல ஆண்டுகளுக்கு முன் பதிப்பித்த நூல்களும் ஏராளமானவை உள்ளன.

இவைகளில் உள்ள அரிய வாழ்வியல் தத்துவங்களையும், நோய்கள் தோன்றா நெறிமுறைகளையும், நோய்கள் தீர்க்கும் மருந்து முறை களையும், பஞ்சபூத - நவக்கிரக - பிரபஞ்ச இரகசிய விதிகளையும், அண்டத்தில் உள்ளதே பிண்டத்தில் என்ற சூட்சும விளக்கங்களையும், பிறவிமுக்தி ஞானம் பெறவும்,பேரருள் இறைஞானம் அடைவதற்கும் "சித்தர் பிரபஞ்சம்" எனும் இக்குழுவில் இணைந்து மேற்கண்ட சித்தர் கலைகளில் உள்ள அரிய கருத்துக்களை பதிவு செய்யவும், பகிர்ந்து கொள்ளவும், கலந்தாய்வு செய்து நன்மை பெறவும்,சித்தர் பாடல்களில் உள்ள பரிபாஷை மற்றும் சந்தேகங்களுக்கான விளக்கங்களை கேட்டுப்பெறவும் இத் தளத்தை பயன்படுத்திக் கொள்ளுங்கள்.